المناطق لي تقدر تزورها في مدينة اكادير و الانشطة لي تقدر تمارسها بمدينة أكادير .

 

المناطق لي تقدر تزورها في مدينة اكادير و الانشطة لي تقدر تمارسها بمدينة أكادير .

شاطئ وكورنيش أكادير ومارينا، حديقة الطيور، حديقة أولهاو، تقدر تركب فالقطار 30 درهم والكوتشي .

سوق الأحد من اكبر الاسواق بالمملكة وشمال أفريقيا فيه كولشي من الخضر والفواكه الى الملابس وحتى بيع الطيور والزواحف والقطط الخ ...

حديقة التماسيح بمدخل المدينة (الدخول 70 درهم )

عالم الدلافين بانزا

تيليفيريك للتنقل من الأسفل نحو قمة أوفلا لمشاهدة مدينة أكادير : ثمن 80 درهم.

لاميدينا اكادير القديمة (الدخول ب 40dh و مجانا يلا غتغدا تما)

بربرهاوس، (الدخول 40dh وكتزيد شي حاجة يلا بغيتي العومان)

مدينة الملاهي إكستريم بارك، كاينة حدا تيران (الدخول بالمجان وكتخلصي على كل لعبة، فيها العاب ديال الناس الكبار والصغار)

وحداه كاين الكارتينغ (سيارات السباق شي 200dh)

عندك مجموعة من المقاهي (كافي ليدينوزوغ بانزا _ عندك شاطئ ايموران فيه قهاوي زوينين

........ بالنسبة لخارج مدينة اكادير (فاتجاه طريق صويرة وصل أورير ودور على اليمين ) يلا عندك طوموبيل....

كاين وادي الجنة باراديس ديال تمشي دوز تما النهار كامل فالطبيعة وتعوم، وتكمل الطريق لشلالات إيموزار، فيهوم الماء، فيهوم عدد من المطاعم تاكلو طاجين المعزي بالزيت اركان كاينين جمعيات فيهوم منتوجات خاصة بالمنطقة كولشي عارف ان ايموزار ايداوتنان هي اكبر منتج للعسل الحر بالمغرب .. وزيت اركان وأملو .. كاينين مسابح وسط الجبال الناس .

عندك مغارة وين تمدوين تقدر تعوم حداها مسبح طبيعي كاين قريب منو منطقة تمروانين للتخييم ممعروفينش يعني كالم ترونكيل

بالنسبة للبحورة أكبر شريط ساحلي بالمغرب

عندك شاطئ تامراغت وشاطئ تغازوت تتغدى وبات الكراء موجود ، بغيتي تكري الكواد، جيت سكي ،كاياك، دراجات مائية،بلونش المنطقة معروفة عالميا برياضة السورف او ركوب الامواج ابناء المنطقة أبطال عالميين فالرياضة .

يلا بغيتي تعوم من احسن الشواطئ العائلية ايمي وادار، شاطىئ 25 وشاطئ اغروض،سيير كيلومترات..

عندك أكوا بارك، و حتى أطلنتيكا بارك (كدخل بشي 100d) فيهم الالعاب المائية خاص بالعومان ..

. حتا توصل ڤيلاج ايت تامر أو تامري احسن موز بلدي غادي تلقاه فديك المنطقة صغير فالحجم لكن مذاق جيد .. سير حتى توصل شاطىء إمسوان

زائد تقدر دير واحد العدد ديال الأنشطة مثلا دورة باليخت، تسلق الجبال، ودخول المغارات، ركوب الباراشيت، السقوط من الطائرة، جولة بالمنطاد..جولة بالخيل البربري الأصيل..

و واحد العدد ديال لوبيرجات .